Жеке деректерді өңдеу саясаты
2026 жылғы 10 қыркүйектен бастап күшінде.
Бұл құжат NIKAH BOOK сіз туралы қандай мәліметтерді өңдейтінін, не үшін
және оларды қалай басқаруға болатынын түсіндіреді.
Деректерді кім өңдейді
Оператор — NIKAH BOOK иесі. Өтініштер боттағы «Әкімшіге жазу» бөлімі
арқылы қабылданады.
Қандай деректер
Өзіңіз көрсетесіз: сауалнама мәліметтері — жасы, тұрғылықты жері,
сырт келбеті, отбасылық жағдайы, білімі мен жұмысы, діни мәліметтер,
өзі туралы мәтін және жарға қойылатын тілектер, фотосуреттер, байланыс.
Автоматты түрде аламыз: Telegram идентификаторы немесе пошта мекенжайы,
браузер туралы мәлімет, соңғы кіру уақыты, сайтқа қайдан келгеніңіз.
Пайдалану кезінде пайда болады: білдірілген және алынған қызығушылық,
қызмет ішіндегі хат алмасу, қолдау қызметіне өтініштер, төлем жазбалары.
Не үшін
- сауалнамаңызды басқа қатысушыларға көрсету
- іздеу мен хат алмасудың жұмысын қамтамасыз ету
- сауалнамаларды жарияланар алдында тексеру
- шағымдарды қарау және алаяқтықтың алдын алу
- төлемді растау
- сауалнамаңыз бойынша сізбен байланысу
Деректеріңізді сатпаймыз және бөгде жарнама үшін бермейміз.
Басқа қатысушылар нені көреді
Ашық: сауалнама нөмірі және сіз көрсеткен мәліметтер, байланыстан басқа.
Сауалнама қызмет арналарында жарияланады және іздеуде көрінеді.
Жасырын: байланысыңыз. Оны әкімшілік көреді, ал екінші тарапқа екі тарап
келіскенде ғана ашылады.
Фотосуреттер: қолжетімділік сауалнаманы толтыру кезінде таңдаған
параметрге байланысты. Қаралым санын өз сауалнамаңызда көресіз.
Ешқашан көрсетілмейді: Telegram идентификаторы, пошта мекенжайы,
браузер мен құрылғы туралы мәліметтер.
Әкімшіліктің қолжетімділігі
Уәкілетті әкімшілер сауалнамаларға, байланыстарға және хат алмасуға қол
жеткізе алады — модерация, шағымдарды қарау және алаяқтықтың алдын алу
үшін. Әр хат алмасуды ашу журналға жазылады.
Ашығын айтайық: қызмет ішіндегі хат алмасудың толық құпиялығы жоқ.
Үшінші тұлғаларға беру
Тек қызметтің жұмысы үшін қажет көлемде: платформа ретінде Telegram,
хостинг-провайдер, веб-статистика қызметтері (дербестендірілмеген түрде),
сондай-ақ уәкілетті органдардың негізді талабы бойынша.
Сақтау
Деректер Нидерландыдағы серверде, сіз қызметті пайдаланған уақыт бойы
сақталады. Сауалнама жойылғаннан кейін ол көрсетілмейді және арналардан
алынады, фотосуреттер жойылады.
Есептеулер мен төлемдер жазбалары, әкімшілердің қаралым журналы және
шағымдар журналы ықтимал дауларды шешу үшін ұзағырақ сақталады.
Сіздің құқықтарыңыз
- сауалнаманы кез келген сәтте өзгерту немесе жасыру
- қолдау қызметіне жүгінбей өзіңіз жою
- сіз туралы қандай мәліметтер сақталатынын білу
- сауалнаманы жойып, пайдалануды тоқтату арқылы келісімді кері қайтару
- басқа құрылғылардағы сеанстарды аяқтау
Өтініштер бірнеше күн ішінде қаралады.
Балалар
Қызмет тек 18 жастан асқандарға арналған. Кәмелетке толмағандар туралы
мәліметтерді әдейі жинамаймыз; ондай сауалнама белгілі болса, ол жойылады.
Веб-статистика
Сайтта дербестендірілмеген келу статистикасы қолданылады (Google Analytics,
LiveInternet). Олар қаралған беттер, келу көзі, браузер және шамамен
орналасқан жер туралы мәлімет алады, бірақ сауалнамаңыз бен хат алмасуыңызға
қол жеткізбейді.
Оларды браузер арқылы өшіруге болады.
Қауіпсіздік
Дерекқорға қолжетімділік шектелген, құпия сөздер кері қайтарылмайтын түрде
сақталады, фотосуреттердің ашық мекенжайы жоқ, сайтпен байланыс шифрланған.
Абсолютті қорғаныс жоқ. Жария болуы сізге зиян келтіретін мәліметтерді
орналастырмаңыз.
Өзгерістер
Саясат өзгеруі мүмкін; қолданыстағы нұсқа әрқашан осы мекенжайда. Елеулі
өзгерістер туралы хабарлаймыз.
Өтініштер
Боттағы «Әкімшіге жазу» бөлімі арқылы.